Прескокни до содржината
Урбано Гнездо
Проекти

PELO

Од младинско зајакнување до локална сопственост

Регионален проект на Про Локал за младите од Пелагонија: хакатон, обуки, форум и нов Регионален младински хаб ПЕЛО. Урбано Гнездо е партнер.

Тековен2025 – 2026Партнер: Урбано Гнездо
  • 9

    општини од Пелагонија

  • 36 ч

    архитектонски хакатон

  • 55

    учесници на обуката POWER UP

  • 7

    градоначалници на студиска посета во Холандија

За проектот

PELO (Pelagonia's Youth Empowerment to Local Ownership) е проект на Про Локал, поддржан од Амбасадата на Кралството Холандија преку програмата МАТРА. Целта е младите од Пелагонија да не бидат само корисници на политиките, туку нивни ко-креатори, заедно со општините, бизнисот и граѓанските организации.

Во центарот на проектот е Регионалниот младински хаб ПЕЛО: место преку кое младите од целиот регион полесно ќе стигнат до пракса, вработување, менторство, претприемништво и личен и професионален развој, без разлика дали живеат во поголем град или во мала рурална општина.

Урбано Гнездо во ПЕЛО

Урбано Гнездо е партнер во проектот и ги поврзува младите од Кривогаштани со неговите активности.

Поддржано од:Амбасада на Кралството Холандија (програма МАТРА)

Што се случува

  1. 19.11.2025

    PELO Forum 2025

    Младите и компаниите на исто место: форум што ги поврзува младите од Пелагонија со работодавачите.

  2. 7–8.03.2026

    Архитектонски хакатон „ПЕЛО“

    36 часа во Крушево: 20 млади и 4 ментори ја замислија визијата за Регионалниот младински хаб ПЕЛО.

  3. Јуни 2026

    Студиска посета во Холандија

    Седум градоначалници од Пелагонија, меѓу кои и градоначалникот на Кривогаштани, ги запознаа холандските модели на соработка меѓу младите, општините и бизнисот.

  4. Јули 2026

    POWER UP: Активирај го својот потенцијал

    Обука за 55 претставници на граѓански организации, со сесијата „Career Challenge“: од вистински бизнис-предизвик до можност за практиканство.

  5. Август 2026

    Комуникација до младите

    Дводневна обука во Охрид за младински работници и организации: публика, раскажување приказни и креирање содржини.

  6. Септември 2026

    Регионален ПЕЛО хаб

    Со меморандумот на деветте општини, Про Локал и Регионалната стопанска комора почна развојот на хабот за пракса, вработување, менторство и претприемништво.

  7. Октомври 2026

    Одговорно користење на вештачката интелигенција

    Работилница во Крушево за примена на вештачката интелигенција на работа и дома, со етика и приватност.

Галерија

Партнери и поддршка

Поврзани вести